Календар

Јули

Неделен Програм

Воис Мастер курс

Харе Кришна
Маха - Мантра

Што значи бхакта или ваишнава?

Зборот „бхакта” доаѓа од зборот „бхагаван” што во превод значи „Оној што поседува сѐ” или Господ... Значи бхакта е слуга на Господ и во овој контекст тоа е многу широк поим. Ваишнава има слично значење, но исто значи дека следи одредена духовна пракса, во овој случај Ваишнавска. Ваишнавската теологија во своите учења се потпира на Ведите, најмногу на петтата Веда, чии две најважни ваишнавски книги се „Багавад Гита” и „Шримад Бхагаватам”. Всушност, Ведите само со еден мал дел се занимаваат со духовност, додека овие две книги се бават само со духовност. Посебно „Шримад Бхагаватам” се бави со чиста духовност, без никакви световни именувања како што се националност или религија... Поради тоа таа е една од најдрагите книги на Ваишнавите.

Ваишнавизам е духовно знаење кое опфаќа разни аспекти на делување како што можеме да видиме во следното објаснување.

Ваишнавизмот дава:
1. Разбирање за нашиот сопствен духовен идентитет (духовно само-осознавање), како и духовниот идентитет на другите видови живи суштества,
2. Разбирање за Господ и Неговите желби (што Тој очекува од човечкото друштво).
3. Делување во склад со нашата вечна должност (дхарма), т.е. практична служба (со телото, умот и интелигенцијата) наменета за задоволување на Неговите желби,
4. Разбирање за корелацијата меѓу Господ, живото суштество, природата, времето и кармата,
5. Разбирање на разликата помеѓу материјата и духот (минливото и вечното),
6. Искоренување на пониската човечка природа (алчност, помамност, завист, неконтролиран гнев...) и развивање на божествени, доблесни одлики (љубов, сочувство, толеранција...) и
7. Разбирање на разликата помеѓу грешниот и побожниот начин на делување.

Накратко, ваишнавизмот е духовно знаење кое ги надминува сите земски граници, врсти и бои на тело, секташки поделби засновани на припадност на одредена религија. Луѓето кои навистина ја разбираат вистинската духовност, не прават проблеми засновани на световни поделби, кои подоцна најчесто завршуваат во облик на религиска нетрпеливост, тероризам, војни итн.

Од ова духовно знаење секој може да има трајна добробит без разлика на која религиска традиција припаѓа. Неинтелигентните луѓе често погрешно ги сфаќаат Ваишнавите кога ќе ги видат на улица... Ваишнавите кои обично може да се сретнат на запад се во поголемиот дел членови на ISKCON кои танцуваат и го пеат светото име следејќи ја древната духовна традиција, облечени во традиционална ваишнавска облека... Повеќето од нив се монаси кои живеат во храм, додека другите, кои го сочинуваат поголемиот дел од друштвото, живеат во своите домови заработувајќи за својот живот како и сите други во склад со својата професија. Тие го практикуваат процесот на бхакти-јога во своите домови, но сепак редовно земаат учество во храмските служби, активности и фестивали.

ISKCON моментално се состои од повеќе од 15000 монаси (машки и женски) и половина милион конгрегациски членови ширум целиот светот (не сметајќи ја Индија). Секој следбеник доброволно е спремен да го искористи своето време, енергија, талент и средства за ширење на мисијата и служење на Кришна. Членовите на ISKCON се трудат да ги негуваат суштинските начела на духовноста: сочувство, вистинољубивост, чистота и практикување строгости.

Под строгости се подразбира помеѓу останатото, следење на 4-те регулативни принципи кои имаат за цел успешна контрола на умот и сетилата, а тоа се:

1. не јадење месо, риба и јајца
2. не земање учество во коцкање
3. избегнување на вонбрачни полови односи
4. не користење опојни средства, вклучувајќи алкохол, цигари и кафе.

Во склад со „Багавад Гита”, кршењето на споменатите регулативни принципи е причина за телесна, ментална и духовна нестабилност, а со тоа се зголемува вознемирувањето и растат конфликтите во општеството. Така, гледаме дека Ваишнавите или бхактите не се нешто чудно или поразлично од нас... Напротив, тоа се фини луѓе кои се трудат постојано да делуваат за доброто на другите и за задоволство на Господ... Ние лично сме членови на ISKCON (Меѓународното друштво за свесност за Кришна), дојдете во нашиот центар и запознајте се со личностите кои што се трудат да станат Ваишнави.

Кратки статии

Бог? Кој е Тоа?

Што значи бхакта или ваишнава?

Зошто се кравите свети?

Колумни

PDF преэентации